Connect with us

ტექნოლოგიები

ფეისბუქი სუიციდის პრევენციისთვის ხელოვნური ინტელექტის გამოყენებას აპირებს

Published

on

ფეისბუქი თავის ერთ-ერთ ყველაზე დიდ გამოწვევას, სუიციდის პრევენციას კიდევ ერთხელ შეეჭიდა. კომპანია მუშაობს ხელოვნური ინტელექტის გაუმჯობესებაზე, რომელსაც გარკვეულ დონეზე უკვე შეუძლია, ამოიცნოს ადამიანის თვითმკვლელობისადმი მიდრეკილება.

1

ხელოვნური ინტელექტი აანალიზებს პოსტებს, რომლებიც”საგანგაშო” შინაარსისაა და ცდილობს, ამ ადამიანებს სწრაფად აღმოუჩინოს დახმარება (რადგან დრო ასეთ შემთხვევებში გადამწყვეტ როლს თამაშობს ხოლმე).

ერთ-ერთი მეთოდი, რითიც AI ადგენს, რომ ადამიანს დახმარება სჭირდება, არის ფეისბუქ მომხმარებლების რეაგირება მის პოსტებზე. კომენტარები:  “კარგად ხარ?” ან  “დახმარება ხომ არ გჭირდება?” (Are you Ok? Can I help you?) ერთგვარი ნიშანია, რომ რაღაც რიგზე ვერ არის.

როგორ მუშაობს ფეისბუქი ამ საკითხზე?

კომპანიას ჰყავს  უზარმაზარი გუნდი, რომელიც განიხილავს შემოსულ რეპორტებსა და ფეისბუქზე განთავსებულ კონტენტს. ამ საზოგადოების შემადგენელი ნაწილია ჯგუფი, რომელიც სუიციდისა და თვითდაზიანების თემაზე მუშაობს და გავლილი აქვს სპეციალური ტრენინგი.  ხელოვნური ინტელექტი შემოსულ რეპორტებს პრიორიტეტების მიხედვით ალაგებს და იმ პოსტებზე, “ლაივ” ვიდეოებსა და ვიდეოებზე რთავს განგაშს, რომლებზეც ფიქრობს, რომ უფრო საჩქარო და საყურადღებოა.

თუ თვლით, რომ თქვენი ფეისბუქ მეგობრის გვერდზე განთავსებული პოსტი ან ვიდეო საგანგაშო და საეჭვოა, შეგიძლიათ დაარეპორტოთ. ფეისბუქს მხარდაჭერის აღმოჩენის რამდენიმე ვარიანტი აქვს: 1. პლატფორმა მომხმარებელს სთავაზობს მეგობართან გასაუბრებას 2. შესაბამის ცხელ ხაზზე დარეკვას 3. სხვა რესურსებსა და რჩევებს, რომლებიც ადამიანს შესაძლოა, გამოადგეს, რომ თავის თავს თვითონ აღმოუჩინოს დახმარება.

ფეისბუქი სუიციდის პრევენციისთვის შექმნილ “ხელსაწყოებს” დიდი ხანია, ამერიკის შეერთებულ შტატებში ტესტავს. დღეიდან კი აშშ-ის გარეთაც, ბევრ ქვეყანაში გაეშვება. სიახლე, ჯერჯერობით, არ შეეხება ევროკავშირის წევრ სახელმწიფოებს (განსხვავებული რეგულაციებისა და ინტერნეტ პოლიტიკის გამო). ამ საკითხზე მოლაპარაკებები უკვე მიმდინარეობს.

Continue Reading
Click to comment

Leave a Reply

Your email address will not be published. Required fields are marked *

ტექნოლოგიები

მესენჯერში 4K რეზოლუციის ფოტოების გაგზავნა და მიღება მალე გახდება შესაძლებელი

Published

on

By

მესენჯერში ყოველთვიურად 17 მილიარდზე მეტი ფოტო იგზავნება. მიუხედავად ამ მონაცემისა, მომხმარებლები ხშირად თავს ვიკავებთ პლატფორმით სარგებლობისგან, რადგან ვიზუალური მასალის ხარისხი მესენჯერში საგრძნობლად ფუჭდება (ამიტომ მივმართავთ ხოლმე ელფოსტას ან სხვა საშუალებას).

როგორც კომპანია გვატყობინებს, დღეიდან ჩვენი საუბრები მესენჯერში უფრო მკვეთრი და ხარისხიანი გახდება. 4K  რეზოლუციის ფოტოების გაგზავნა რამდენიმე ქვეყანაში უკვე შესაძლებელია (მათ შორის საქართველო, ჯერჯერობით, არ შედის): კანადა, აშშ, საფრანგეთი, ავსტრალია, დიდი ბრიტანეთი, სინგაპური, იაპონია, სამხრეთ კორეა და ჰონკონგი. დანარჩენებიც მომდევნო კვირებში დავემატებით.

მესენჯერი

ნათელი ერთდროულად მოგვეფინება როგორც iOS-ების, ასევე ანდროიდების მომხმარებლებს.

Continue Reading

ტექნოლოგიები

მესენჯერი ბავშვებისთვის

Published

on

By

ამერიკის შეერთებულ შტატებში მესენჯერის საბავშვო ვერსია Messenger Kids ჩაეშვა.

მშობლები ნერვიულობენ ბავშვების უსაფრთხოებაზე და ხშირად არ აძლევენ მათ სოციალურ ქსელში დარეგისტრირების უფლებას. ფეისბუქის ახალი აპლიკაციის საშუალებით კი არასრულწლოვნები უფროსების მეთვალყურეობის ქვეშ შეძლებენ, ეკონტაქტონ მეგობრებს, ახლობლებსა და ოჯახის წევრებს და შეინარჩუნონ უსაფრთხო გარემო.

messenger Kids 2

რით განსხვავდება საბავშვო აპლიკაცია ჩვეულებრივი მესენჯერისგან?

ფეისბუქზე დასარეგისტრირებლად მინიმუმ 13 წლის უნდა იყო, თუმცა, საბავშვო მესენჯერის გამოყენება უფრო ადრეულ ასაკშიც შეიძლება. მთავარია, მშობლის ნება იყოს.

აპლიკაცია მშობლების ფეისბუქ ანგარიშიდან კონტროლდება და მხოლოდ მათ მიერ დადასტურებულ კონტაქტებთან ექნება არასრულწლოვანს ვიდეო ან წერილობითი საუბრის საშუალება.

messenger Kids

რაც მთავარია, საბავშვო მესენჯერში რეკლამები არ იქნება განთავსებული და არც თქვენი შვილების ინფორმაცია იქნება გამოყენებული კომერციული მიზნებისთვის.

Continue Reading

ტექნოლოგიები

“ჩატის” აპლიკაცია ფეისბუქის სამუშაო სივრცისთვის

Published

on

By

ერთ წელზე მეტია, რაც ფეისბუქმა ორგანიზაციებისთვის კორპორაციული სამუშაო სივრცე – Workplace by Facebook ჩაუშვა. ამ დროის განმავლობაში 30 000-ზე მეტმა კომპანიამ აქტიურად დაიწყო პლატფორმის გამოყენება თანამშრომლებთან და დასაქმებულებთან კომუნიკაციისთვის (ცხადია, შარკებიც არ ჩამოვრჩით).

გასულ წელს პლატფორმას რამდენიმე სასარგებლო ფუნქცია დაემატა: Live ვიდეო ჩატი, ჯგუფის ანალიტიკა, რამდენიმე კომპანიის ჯგუფი, რომლის მეშვეობითაც სხვადასხვა ორგანიზაციის დასაქმებულებს შეუძლიათ ერთ სივრცეში ისაუბრონ და განიხილონ სამსახურის საკითხები. ჯგუფი შესაძლოა, იყოს დახურული ან საიდუმლო.

თუმცა, მესიჯები მაინც რჩება ყველაზე სასარგებლო ფუნქციად ადამიანების ერთმანეთთან დასაკავშირებლად, ამიტომ “ვორქფლეისი” ოფიციალურად უშვებს ჩატის აპლიკაციას, რომლის გადმოწერა და დაყენება შესაძლებელი იქნება როგორც მობილურებზე, ასევე დესკტოპებზე.

facebook workplace

აპლიკაციას თითქმის იგივე ფუნქციები აქვს, რაც მესენჯერს, ამიტომ განსაკუთრებული ათვისება არ სჭირდება.

Workplace by Facebook კომპანიებს ეხმარება უფრო პროდუქტიულად, ორგანიზებულად მუშაობაში და თანამშრომლების ერთმანეთთან ეფექტურად დაკავშირებაში. “ჩატის” აპლიკაციის მიზანიც ისაა, რომ პლატფორმის გამოყენება ორგანიზაციებისთვის რაც შეიძლება პრაქტიკული და მოსახერხებელი გახდეს.

Continue Reading

რეიტინგული